ಶುಕ್ರವಾರ, ಫೆಬ್ರವರಿ 5, 2010

ನವಯುಗದ ತಾರೆಗಳು

ಇವರು ನಮ್ಮವರು ನಮ್ಮೊಳಗಿರುವವರು
ನವಯುಗದ ತಾರೆಗಳು
ಕನ್ನಡಮ್ಮನ ಕನಸಿನ ಕುಡಿಗಳು
ಭಾರತಾಂಬೆಯ ಭವಿಷ್ಯದ ಬೆಳಕಾಗಿ
ಕತ್ತಲೆಯ ಓಡಿಸಲು ಉಅದಯಿಸಿರುವ
ಹೊಂಬೆಳಕಿನ ಹೊಂಗಿರಣಗಳು.....

ಪರಿಸರ ಮಾತೆಯ ಮಡಿಲ ಮಕ್ಕಳು
ಸಕಲ ಚರಾಚರಗಳ ಗೆಳೆಯರಿವರು
ಸ್ನೇಹಕ್ಕೆ ಕೈ ಜೋಡಿಸುವರು ಪ್ರೀತಿಗೆ ಜೈ ಎನ್ನುವರು
ಭಾತೃತ್ವದ ಬಂಧ ಬೆಸೆವ ಬಾಂಧವ್ಯದಾತರು......

ನೋವಿನ ಕಣ್ಣೀರೊರೆಸುವ ಕರುಣಾಮಯರು
ಸಮಸ್ಯೆಗಳಿಗೆ ಸ್ಪಂದಿಸುವ ಹೃದಯಸಂಪನ್ನರು
ಅನ್ಯಾಯ ಸಹಿಸದ ಧೀಮಂತರು
ಅಕ್ರಮಗಳ ಆಕ್ರಮಸಿ ಹಂಚುವ ಆಶ್ರಯದಾತರು.....

ಹಿರಿಯರ ಹಿತೈಶಿಗಳು, ಕಿರಿಯರ ಸ್ಪೂರ್ತಿದಾಯಕರು
ಬೆಳೆಯುವ ಮೊಳಕೆಗಳಿಗೆ ಪೋಷಕಾಂಶಗಳ
ಪೂರೈಸುವ ಪೋಷಕರು.
ಮೊಗ್ಗಿನ ಮನಗಳ ಹೃದಯ ಚೋರರು
ಅರಳುವ ಕನಸುಗಳ ಆರಾಧ್ಯರು......